Zentralak datorren urteko uztailean ateak itxiko ditu Nuclenor enpresa kudeatzaileak luzapena egiteko eskaera tramitatu ez duelako.
1971. urtetik dago martxan Aiaraldetik 28 kilometrora dagoen zentrala, mundu osoan martxan diren zentral Nuklearren artean hirugarren zaharrena dugularik.
Iberdrola eta Endesak osatzen duten Nuclenor enpresari herengeun bukatu zitzaion Santa Maria de Garoñako zentral nuklearrarentzako luzapena eskatzeko epea. Hortaz, datorren uztailean zentralak ateak itxi beharko ditu, beti ere eskaera tramitatzeko epea luzatzen ez bada.
Espainiako Industria Ministerioaren eta Espainiako Segurtasun Nuklearrerako Kontseiluaren erabakiei helegiterik ez jartzea erabaki du Nuclenorrek, gauzak horrela 2019 urtera arte zentral nuklearra martxan mantentzeko egitasmoa bertan behera geratu da.
Zentrala kudeatzen duen enpresak azaroaren seirako aurkeztu behar dizkio Segurtasun Nuklearreko Kontseiluari zentrala behi betiko ixteko beharrezkoak diren txostenak.
1971. urtetik martxan
Mundu osoan martxan diren zentral Nuklearren artean hirugarren zaharrena dugu Garoña; EEBBko Oyster Creek eta Erresuma Batuko Oldbury zentralekin batera. 1971. urtean konektatu zen sarera, frankismo garaian, espainiar estatuan martxan den lehen zikloko zentral bakarra dugularik. Fukushima Daichi japonian istripu larria izandako zentralaren erreaktore mota bera du; hainbatetan bi zentralak "bikiak" balira bezela aurkeztu izan dira.