Berez, beste hainbat kale eta auzoetako jaiekin parekatuta egitarauan alde nabarenik ez badago ere, Barria eta San Inazio kaleek ospatzen duten San Rokeren omenezko jaiak giro paregabea sortzen du; egitarau apala izanda ere auzolanak eta umoreak osatzen dute jai hauen bereizgarri nagusia, honen erakusle dugu jai hauen protagonista nagusia, Morrillón.
Jaiaren hasiera bihar izango da goizeko hamabietako txupinaren ostean buruhandiak izango baitira aurten Benita Sietepañuelos buruhandi berriaren aurkezpena egingo delarik, Barria kaleko biztanle zen andre baten erreplika delarik, ordu batetan txapel jaurtiketa lehiatuko da eta ondoren auzo bazkaria egingo da. Mus eta igel txapelketek arratsa beteko dute haurrentzako hainbat ekimenekin batera. Gaueko bederatzietan Morrillon Aduanako eraikinetik plazara jesiten denean izango du jaiak momenturik gorenena; ondoren, afari herrikia eta Dj Juanmaren emanaldia izango direlarik.
Etzi, San Roke egunez, ekintzek aurrera jarraituko dute. Gaizeko trakaren osteak elizkizunak ospatuko dira, lore eskaintza, meza eta abarrekin; gainera Barria eta San Inazio kaleetako bizilagun nagusi bat omenduko dute antolatzaileek. Eguerdiko ordu batetan kantu poteoa izango da eta arratsaldean haurrentzako aukera izango da hainbat ekimenekin: marrazki lehiaketa, jolasak, txokolatada, buruhandiak eta abar luze bat.