Azken urteetan bezala, Iurreta Emakumeen Birak aiaraldeko errepideetan erabaki daiteke, izan ere Urduñan 13,4 kilometroko norbanako erlojupekoa izango da larunbatean, aurretik gaur Lekeition helmuga izango dute; atzo Matienako helmugan Ina-Yoko Teunteberg alemabiarra gailendu zen esprinean.
Tropel profesionaleko ziklistarik honenek hartzen dute parte aurten hogeita bostgarren edizioa ospatzen duen Iurreta Emakumeen Biran; munduko txirrindulari honenak izango dira, Mariann Vos iazko garailea salbu, lesionatua dago eta.
Annemiek Van Vleuten duela bi urte Urduñan egindako etapa nagusian gailendu zen herbereharra, Judith Arndt edizio harretan sailkapen nagusia irabazitako alemaniarrak, edota Claudia Haussler herrikidea, 2009an txapeldun izandakoa, Urduñako galtzada-harrien gainean izango dira, haiekin batera Emma johansson suediarra edota Nicole Cooke bezalako emakumeak ere neurtuko dira.
Erlojupeko saioa
Azken urteetan etapa arruntak egin izan badira ere, aurten duela urte batzuk Urduñan egin izan den erlojupeko proba berreskuratuko dute, guztira 13,4 kilometro egin behar izango dituzte eta sailkapen nagusia astindu dezake Arbieto, Artomaña, Delika eta Tertanga zeharkatuko dituen ibilbideak. Azkenaurreko saioa izango dute igandean Iurretara heltzen den azkenengo etapa aurretik.