Zikoina udal aldizkariaren bitartez ezagutzera eman duenez, Urduñako udalak, datu ekonomikoak ezagutzera emateko batzar informatiboa deitu du datorren Martxoaren 14rako. Hitzordua Kultur Etxeko areto nagusian izango da arratsaldeko zazpiretan.
Batzarrean, udal agintariek herritargoaren aurrean 2.011ko aurrekontuen balantzearen berri eman eta urte honetarako aurrekontuen ildo nagusiak aurkeztuko dituzte, honekin batera "Udalak pairatzen duen ekonomia eta finantza egoera aztertu eta horrek guztiak 2.012ko aurrekontuen prestaketan duen eragina" ere argituko da batzarrean, udal argitalpenaren arabera.
Udalaren egoera ekonomikoaren inguruan legegintzaldian eginiko bigarren asanblada informatiboa dugu hilabete honetan egingo dena; urriaren 26an eginikoan Karlos Arranz alkatea eta Asun Vadillo hiriko ogasun zinegotziak udalerriaren zorpetzea eta defizita izan zuten hizpide; besteak beste udalak eta bere menpe diren sozietateek ia sei milioi euroko zorra dutela ezagutarazi zuten orduan.
LAGUN AGURGARRIA:
Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide
