Iragan asteburuan jarri da abian Alde Zaharra trafikoari ixteko ekimena; neurri honekin eremua larunbat arratsaldetik astelehen goizera arte oztopo-zutoinekin itxita izango da. Tarte horretan erdigunea ibilgailuz igaro behar duten pertsonek eskuz kendu beharko dituzte oztopo-zutoinak eta, ondoren, berriz jarri. Edonola ere, aparkatzea debekatuta egoten jarraituko du.
Neurria urtarrilaren 26an eginiko osoko bilkuran adostu zuten udalean ordezkaritza duten alderdi guztiek aho batez; egitasmoa momentuz proba gisa ezarri bada ere, hilabete batzuk igarota neurriaren eraginaren inguruan hausnarketa egingo du udalak, herritar eta merkatariekin batera.
Udalak Alde Zaharraren baitan erroldatutako autoen jabeei edierazi dizkie asteburuetan trafikoa ixteko hartutako erabakiak, bertako bizilagun zein dendariek zamalanak egiteko aukera izango dute, autoa gehienez ordu erdiz eremu historikoan mantendu dezaketelarik; mugimendu horiek hobetze aldera Alde Zaharreko bizilagunei autoan jartzeko bereizgarria emango zaie. Larrialdi zerbitzuek, beren aldetik, alde zaharretik igarotzeko askatasuna izango dute.