Urduñako Udal Frontoiko konponketen bigarren fasea burutu zen azaroaren amaiera aldera, eta berriro ere erabilgarri dago kirol elkarte eta bezeroentzako.
Ekainean hasitako lanek, aldagelak berritu eta Frontoian berogailu sistema jartzean oinarritu dira. Guztira bi aldagela berri eta komunak eraiki dituzte, elbarrientzako behar bezala hornituak. Honetaz gain, Jai-Alai Pilotazale Elkarteko aretoa ere berritu eta udal frontoiko gela guztietan zein kantxan berogailu sistema jarri dute.
Berritze lanak bukatutakoan, hainbat ekintza egin dira pilotalekuan. Abendutik hona, Euskararen Eguneko bertso-afaria, Haurren Gabonetako Parkea eta aeromodelismo erakusketak izan dira kantxan zein frontoi txikian; Pilota Eskolak eta Bedarbide saskibaloi taldeak ere abendutik ari dira bertan entrenamenduak egiten eta tabernak ere ateak ireki ditu berriz ere.
LAGUN AGURGARRIA:
Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide
