Genero-indarkeriaren aurkako nazioarteko eguna dugu gaur, eta mundu osoan zehar hainbat ekintza ari dira egiten gaitz honen aurka. Urduñan ere, programazioa aberatsa izan da biolentzia matxista salatzeko.
Atzotik aurrera, Udal Liburutegian gai honi buruzko hedabideen erakusketa martxan da; bertan indarkeria matxista eta emakumeen inguruko saiakera eta literatura ikusgai dago, Urduñako Udal Liburutegiko zein Bilboko Emakumeen Dokumentazio Zentroko fondo bibliografikoarekin osatuta. Liburuekin batera, genero-indarkeriaren aurkako munduko hainbat bazterretako kartelak ere ikusgai daude, lan honetan Emakundek ere lagundu egin duelarik. Honekin batera, Kultur Etxean "Te doy mis ojos" filmaren proiekzioa izan zen atzo arratsean.
Gaurkoan, aldarrikapena izango da nagusi; goizeko hamaiketan udaletxe azpian kontzentrazioa deitu du hiriko udalak. Arratsaldeko zazpietan, Urduñako Adi Emakume taldeak ere elkarretaratzea deitu du Foru Plazan.
LAGUN AGURGARRIA:
Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide
