Urduñako Ezker Abertzaleak argitaratzen duen aldarri aldizkarian, zerbitzu sozialak murriztu izana leporatu zaio EAJ alderdiari. Etxez etxeko laguntza ematen aritzen diren langileei 10.268,58 euro zor zaizkiela ere salatu du argitalpen horretan.
Ezker Abertzalearen hitzetan, "Udalak ez dio etxez-etxeko laguntza zerbitzua kudeatzen duen Lagunduz enpresari ordaindu, eta enpresak ezin die euren langileei eginiko lanagatik zor diena ordaindu." Eta "2.007. urtetik zor zaizkie ordainsariak langileei, urte horretako atzerapenen kontzeptuan 3.248´03 euro zor dute, horretaz gain beste 2.693´75 euro zor dute 2.008. urteko lehenengo zatiari dagozkionak eta beste 2.805´43 euro urte bereko bigarren zatikoak; 2.009. urteari dagokionez, zor zaien kopurua 1.521´37 eurokoa da."
Idazki berean, etxez-etxeko laguntza zerbitzuko langileek Urduñako Udalari salaketa jarri diotela eta datorren irailaren 22an epaiketa izango dutela ere adierazi du Ezker Abertzaleak.
LAGUN AGURGARRIA:
Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide
