Gaur arratsaldean jokatu dira Urduña-Arrastaria eskuz binakako txapelketako azken partidak; arratsaldeko bostetan Urduñako pilota eskolako haurrak aritu dira buruz buru eta jarraian txapelketako podiuma erabakitzeko partidak jokatu dituzte sailkaturiko pilotariak.
Zumaran-Izaga eta Moli-Txapel ziren hirugarren postua lortzeko lehiatu beharrekoak, azkenean Molik ezin izan du partidua jokatu eta ordezko batek hartu du bere lekua. Partida orekatua jokatu dute, baina Zumaranek eta Izagak beren sendotasuna baliatu dute partida irabazi (22-19) eta txapelketako hirugarren postua lortzeko.
Azkenik final nagusia izan da jokoan; alde batetik Fernandez-bilbo eta bestetik Buru-Peto ziren aurrez aurre. Fernadezek eta Bilbok aise lortu dute garaipena (22-9), Buruk eskuin eskuarekin eginiko hutsek lagunduta. Txapela beraz, Fernandez eta Bilborentzat izan da merezimendu osoarekin.
LAGUN AGURGARRIA:
Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide
