Laudiers skate taldearen urtebetetzeak, Laudioko udaletxeko gazteria sailaren ekitaldi batekin bat egingo du datorren ostegunean. Udalaren eskutik gerturatuko baitira aiaraldera munduko skater onenetako hiru; Alain Goikoetxea, Urtzi Unanue eta Alain Saavedra hain zuzen ere.
Lamuza parkean egingo duten erakustaldian bertaratutakoak aho zabalik uzteaz gainera, ikastaro txiki bat ere eskainiko dute skater ezagun hauek. Ekitaldia musikaz eta esatari baten kontakizunaz osatuko da.
Laudiers taldearen urtebetetzea
Urte bat igaro da Laudiers taldea herriko skate mugimendua osatu eta indartzeko helburuz sortu zela. Bide honetan txapelketak eta erakustaldiak egin izan dituzte lan eta konpromiso handiarekin, eta batu duten arrakasta ere dudaezina da.
Urtebetetzea ospatzeko baliatu nahi dute Udalaren gazteria sailak antolatutako ekitaldi eguna. Hartara, egitaraua egun osoz luzatu eta eguerdi aldean hasiko diren hainbat jarduera antolatu dituzte Laudiers taldekoek.; musika, aurreko txapelketatako bideoak eta giro ezin hobea.
Informazio gehiagorako: www.laudiers.tk