Zer Diño aldizkariaren 14. urteurrena dala-eta, Berbaz Kultura Alkarteak bertso afaria antolatu auen atzo herriko eskolan
Aspaldiko ohitureagaz segiduta, aurten bere bertso afaria antolatu dau Berbaz Kultura Alkarteak. Aurtengo bertsolariak Jon Maia eta Sustrai Colina izan dira.
Afal aurretik kalejirea egin zan herriko tabernetatik trikitixa eta panderoa lagun. Giro ederra egon zan herrian eta apurka-apurka joan zirean afarikoak batuten. Gero, iragarri legez, eskolara joan zirean afalduten.
Zer Diño aldizkariaren 14. urteurrena dala-eta, Berbaz Kultura Alkarteak bertso afaria antolatu auen atzo herriko eskolan
Aspaldiko ohitureagaz segiduta, aurten bere bertso afaria antolatu dau Berbaz Kultura Alkarteak. Aurtengo bertsolariak Jon Maia eta Sustrai Colina izan dira.
Afal aurretik kalejirea egin zan herriko tabernetatik trikitixa eta panderoa lagun. Giro ederra egon zan herrian eta apurka-apurka joan zirean afarikoak batuten. Gero, iragarri legez, eskolara joan zirean afalduten.
Bertsoaldi bi egin auriezan bertsolariek. Ordubete inguruko saioak biak eta bertso ederrak entzun ahal izan zirean tarteka. Noz bertso serioak, noz barregarriak…eder asko, edozelan bere.
Entzuleak pozarren joan zirean etxera barre batzuk eginda tripea ederto bete eta gero. Izan bere, Bego Respaldiza sukaldariak egineko porrusaldea eta piper beteak ederto sartu jakiezan bertsozaleei.
Orozkora datozen bertsolari askoren gaia izaten da Bizkaia-Araba mugaren kontua eta atzo Jon Maiak ederto aprobetxau auen barriro bere. Aikomen, horren gaiorren inguruan entzun zan bertso pare bat.
Jon Maia:
Bilbainoak baldin badaude
horra nire bilbainada.
Bidai luzean autopistatik
honaino iritsi gara.
Geografiaz galdetu nahi det
ordua heldu da jada:
Ba al dakizu Orozko zer den?
Bizkaia ala Araba?
Sustrai Colina:
Maia frogatu nahi al zenuke
nire berezko nibela?
hori dela ta utzi gaituzu
bakarrik ni ta arbela.
Batzuk diote Bizkaia dela
besteek Araba dela
ta nik denei esaten diet
danak naparrak garela.
LAGUN AGURGARRIA:
Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide
