Iñigo Urkullu Jaurlaritzako lehendakariak duela hilabete pasatxo Deia egunkariari emandako elkarrizketa batean aurreratu zuen taldean Fernandezekin jarraitzeko asmoa duela. «Konfiantza erabatekoa da», zioen. Hain zuzen, Lehendakaritzaren egituretako bat da Bake eta Bizikidetza. Urkulluk berak sortu zuen, duela lau urte, aurreko legealdiaren hasieran.
EAJren eta PSE-EEren 2016-2020ko gobernu itunean Elkarbitza eta Giza eskubideak ataleko konpromisoetako aurreneko puntuan ETAren «indarkeriaren amaiera ordenatua» ageri da. Jonan Fernandezen ohiko aldarrikapen bat da. PSEk EAEko hauteskunde programan ez zuen halako aipamenik egin; EAJk bai, eta garrantzia ematen dio PSEk akordiorako onartu izanari.
Nahiz eta oraindik ofizialki Bake eta Bizikidetza Saileko buru izendatzeke dagoen, Fernandez bihar Urkullurekin batera Erroman izango da, Jaurlaritzak Sant Egidioko komunitatearekin harremanak estutu eta horrek iheslariei dagokienez daukan proiektua ezagutzeko. Biktima eta Giza Eskubideen zuzendari Monika Hernando ere izango da Jaurlaritzako ordezkaritza taldean.
Alkorta, Euskara zuzendari
Jaurlaritzako gobernu kontseiluak erabaki du Kultura eta Hizkuntza Politika Sailean Euskara Sustatzeko zuzendaritzan Estibaliz Alkorta izendatzea arduradun, Jokin Azkueren partez, eta HABEn Azkue bera jartzea zuzendari, Joseba Erkiziaren ordez.
Beste bi izendapenen berri ere eman du. Etxebizitza arloko zuzendari, Pablo Garcia, Ignacio Basañezen partez; eta Osasuna sailean, Plangintza, Antolamendu eta Ebaluazio Sanitarioko zuzendari, Miren Nekane Murga.
LAGUN AGURGARRIA:
Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide