BBCk eman du bart albistea: "ETA: euskal separatistek larunbatean aldebakartasunez desarmatu asmo dute". Gauerdiko berria berehala barreiatu da euskal hedabideetan, paperean nahiz sarean, baina baita nazioarteko komunikabideetan ere.
BBC ez da izan Erresuma Batuan albistearen berri eman duen hedabide bakarra; Guardian egunkariak dio "ETA euskal talde separatistak arma guztiak emateko plana iragarri" duela. Daily Mail, Evening Standard eta beste batzuek ere jaso dute. Ameriketako Estatu Batuetako hedabide nagusiek ere plazaratu dute ETAren desarmatzea; Washington Post-ek nabarmendu du ETAk bere armategia eman duela, eta beste horrenbeste egin du New York Times-ek. Wall Street Journal-ek ere ildo beretik jo du izenburuan.
Frantzian, larunbatera begira jarri da Le Monde bere tituluan: "ETA euskal erakundeak apirilaren 8rako baieztatu du bere armagabetzea". Le Figaro-k, berriz, zabaldu du jada bitartekarien esku utzi dituela armak ETAk. Eta France24 telebista kateak zabaldu du "desarmatzeko asmoa baieztatu" duela ETAk.
Espainian, El País egunkariak artikulu ugari argitaratu ditu desarmatzearen harira. Batetik, nabarmendu du "jada erakunde armagabea" dela, eta, bestetik, egiaztatzaileek Frantziako agintariei emango dizkietela armak gordeta dauden zuloen kokapenak. El Mundo egunkarian, papereko edizioaren lehen orriko titulu nagusia izan da, zeharka, armagabetzea: "ETAk zigorgabetasuna eskatu dio Frantziari desarmatzearen aktoreentzat".
Beste herrialde batzuetan ere izan dute desarmatzearen berri; Irlandan, RTE telebistak argitaratu du asteburuan "erabat" armagabetuko dela ETA, eta, Australian, The Australian egunkariak dio ETAk desarmatu egingo dela iragarri duela. Israelen, PressTV kateak adierazi du "euskal separatistak beren borondatez armagabetu" direla. Ekuadorren, Telesur telebistaren titulua da "ETA euskal separatistak aldebakarreko armagabetzea" iragarri duela.
Beste batzuk:
LAGUN AGURGARRIA:
Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide