Gazteen aldeko elkarretaratzera deitu dute Madrilen
2017ko uzt. 15a, 16:17
Altsasuko gazteentzat «justizia eskatzeko», elkarretaratzera deitu du Madrilgo Altsasuarekin elkartasuna plataformak datorren ostegunerako, uztailak 20. Elkarretaratzea Estatuko Fiskaltza Nagusiaren aurrean egingo dute, 20:00etan.
Atzo, zortzi hilabete bete ziren gazteetako hiru espetxeratu zituztela. Horren harira, Altsasuarekin Elkartasuna plataformak prentsaurreko bat egin zuen Madrilen, «zortzi gazteen kasua gaitzetsi eta argitara ateratzeko asmoz».
Plataformak erabat gaitzesten ditu estatuak gizartearen osotasunaren aurka eginak dituen «eskubide zibil eta politikoen urraketak», batez ere «mozal legea indarrean sartu zenetik». Madrilgo plataformakoek bat egiten dute Altsasuko gazteen gurasoen kezkarekin, gertaerak judizialki «terrorismo» delitutzat kalifikatu direla jakinik. Plataformako kideek salatu dute «zigor eskaeraren proportzionaltasun faltak eta legeen interpretazio estentsiboak» urratu egiten dituztela pertsona guztiak babestu behar dituzten «askatasunak, berme prozesalak eta segurtasun juridikoak».
LAGUN AGURGARRIA:
Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide