ERANDIO. Ertzaintzako sindikatuek «segurtasun neurri gehiago» eskatu dituzte poliziek kaleko protestetan eta tentsio aldietan beren lana egin ahal izateko. Polizien lan baldintzen inguruan Eusko Jaurlaritzaren Segurtasun Saileko buruekin egiten ari diren bileretan egin dute eskaera hori, besteak beste, Ernek eta Esanek. Bigarren horren kide zen Inocencio Arias, Bilboko Athletic eta Moskuko Spartaken futbol partidaren harira izandako istiluetan bihotzekoak jota hildako ertzaina. Eskaera horrez gain, beste hainbat egin dituzte, baina atzo Erandioko Ertzain Etxean (Bizkaia) izandako bileratik «haserre» eta «konpromisorik gabe» irten zirela adierazi dute bi sindikatu horietako buruek. Segurtasun Sailaren arabera, atzoko bileran Brigada Mugikorraren «modernizaziorako» neurriak aztertu zituzten, baina Erneko Roberto Seijoren arabera, «erabateko porrota» izan da bilera. Salatu du beren proposamenei «entzungor» egin dietela, «esklabo egutegiak» inposatu nahi dizkietela eta Ertzaintzaren antolakuntza «kaotikoaz» ez dela hitz egin. Ohartarazi du, halaber, bihar Athleticek Marseillako Olympiquen aurka duen partidara ertzainak «etsita» joango direla. Josu Erkoreka Jaurlaritzako bozeramailea, berriz, baikor mintzatu da. «Sindikatuekin helburuak parteka ditzakegula uste dugu».
Osorik irakurri
LAGUN AGURGARRIA:
Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide
