Geroa Elkar-Ekin lelopean, Eusko Ikaskuntzaren 18. kongresua mendeurreneko ekitaldien amaiera izango da, aurtengo udazkenean. Programaren lehen partea, bost saiotan egituratuko dute, 2015az geroztik Eusko Ikaskuntza bultzatzen ari den bost proiektu nagusiekin lotuta. Saio bakoitza euskal hiriburu batean izango da. Kongresuaren itxiera ekitaldia, berriz, Oñatin (Gipuzoa), azaroaren 23an. Hau da egutegi osoa.
Kongresuko aurreneko bost saioak
Urriak 5, Baiona. Nahi dugun gizartea, izango dugun gizartea.
Urriak 19, Gasteiz. Euskararen etorkizuneko eszenarioak elkarrekin eraikitzen.
Urriak 26, Iruñea. Gure jendeak: gizartea eta kultura.
Azaroak 9, Bilbo. Garapen sozioekonomikoa.
Azaroak 16, Donostia. Gobernantza demokratikoa.
Kongresuaren itxiera, azaroak 23, Oñati
9:30-10:00: Dokumentazioaren eta kreditazioen ematea.
10:00-10:15: Eusko Ikaskuntzaren XVIII. kongresuko ibilbidea iruditan (ikus-entzunezkoa).
10:15-12:30: Kongresuko atal bakoitzaren ondorio orokorren aurkezpena.
12:30-14:00: Baionako, Gasteizko, Iruñeko, Bilboko eta Donostiako saioen ondorengo «erronkak».
14:00-15:30: Bazkaria.
15:30-17:00: Solasaldia: Abiapuntu berriaren aurrean mahai ingurua.
17:00-17:30: Oñatiko adierazpena irakurriko da.
17:30-18:00: Kongresuaren amaiera ekitaldia.
Azaroak 24, Oñati
Ekitaldi instituzional handi bat egingo dute, Oñatin. Agintariak, Eusko Ikaskuntzako kideak eta euskal gizarteko hainbat lagun bilduko dira. «Jai eta partaidetza izaera» izango du.
Osorik irakurri
LAGUN AGURGARRIA:
Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide