Halaxe gertatu zen atzo parlamentuak onartutako mozio batekin. Lau talde horiek aurkeztu zuten testuari sozialistek eginiko zuzenketa bat gehitu zioten; UPN eta PPkoek aurka bozkatu zuten. Mozioak dio ETAren desegiteak «garai berri» bat zabaltzen duela eta horrek «beste espetxe politika bat» eskatzen duela, «bizikidetza eta normalizazioaren» mesedetan; besteak beste, presoak euren etxeetatik gertu dauden espetxeetara hurbiltzea eta gaixo dauden presoentzako neurri «aringarriak» eskatu dituzte.
Testuan gogoratzen den moduan, ez da lehenengo aldia PSNk gisako adierazpen bat onartzen duena. Hala egin zuen iazko azaroren 9an. Aurtengo martxoan eta maiatzean, berriz, ez zituen babestu antzeko eskaerak jasotzen zituzten bi mozioetako puntu guztiak, testuen «tonua» eta bestelakoak argudiatuta. Atzo, akordio batera iritsi ziren bost taldeak, eta hori dela-eta UPN eta PPNren kritika gogorrak entzun behar izan zituen PSNk. Iritziz aldatzea eta «ezker abertzalearen eskakizunetara makurtzea» leporatu zioten. «Gutxiengoan geratu gara biktimak defendatzen ditugunak», esan zuen UPNko eledun Carlos Garcia Adanerok, tentsio handiko eztabaida batean.
Eztabaidari kasu egiten izan zen Foro Sozialeko, Etxerat elkarteko eta Sareko ordezkaritza bat. Hara joan aurretik, plataformako horretako kideek Orain presoak dinamika aurkeztu zuten, Iruñean, eta urriaren 20an Bilbon egingo den manifestaziora begirako aldarrikapenak azaldu zituzten.
LAGUN AGURGARRIA:
Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide