EH Bildu-PSE bilera aurrekontuei buruz aritzeko

Erabiltzailearen aurpegia berria 2018ko urr. 18a, 00:00

GASTEIZ. EH Bildu eta PSE-EE gaur goizean bilduko dira, Gasteizen, Eusko Jaurlaritzaren aurrekontuen inguruko proposamenak aztertzeko. PSE-EEren izenean, Idoia Mendia idazkari nagusia, Susana Corcuera eta Sonia Perez izango dira. EH Bildutik, berriz, Arnaldo Otegi, Maddalen Iriarte eta Nerea Kortajarena joango dira bilkurara.

Jose Antonio Pastor PSEko bozeramaileak esan du «alderdi guztiak» direla «baliagarri» aurrekontuak aurrera eramateko, eta nabarmendu du EH Bilduk «atea irekita» uzteak erraztu dezakela prozesua: «Jokaleku interesgarri bat irekitzen da».

Iriartek ere esan zuen aukera ikusten duela abstentzio bidez aurrekontuei «bultzada emateko»: «Ez dira gure aurrekontuak, baina herritarren eskakizunei erantzun behar diegu». Hain justu, «kaleko aldarrikapenei» erreparatzeko deia egin du Iriartek, eta, besteak beste, pentsiodunen eta mugimendu feministaren eskakizunak nabarmendu ditu. Hori adosteko bilera eskatu du EAJrekin ere.

PPko buru Alfonso Alonsok, ordea, esan du «ezinezkoa» bihurtzen ari dela EAJrekin duten harremana: «Bi urtez babestu ditugu, baina honaino iritsi da gure harremana». Esan dute ez dutela aurrekonturik babestuko, baldin eta EAJk ez badu atzera egiten EH Bildurekin autogobernu ponentzian adostu dituen oinarrietan.

Osorik irakurri

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide