Bizkaiko Probintzia Auzitegiak frogatutzat jotako gertakariak hartu ditu oinarrian Jone Goirizelaia Cabacas zenaren sendiaren abokatuak. Joan den azaroan amaitu zen Cabacasen hilketari buruzko epaiketa, eta, ertzain ohi bat bi urteko espetxealdira zigortu bazuten ere, gainontzeko ertzainak absolbitu egin zituzten. Edonola ere, auzitegiak frogatutzat jo zuen «aritzeko molde txarrek» eragin zutela Cabacasen heriotza.
Horregatik, Goirizelaiak eskatu du Ertzaintzako beste sei kide ikertzeko, heriotza delitu bat estali dutelakoan eta arduragabekeria profesionalaz jokatu dutelakoan. Sei ertzain horietatik inor ez zen eseri akusatuen aulkian joan den epaiketan.
Aldekoaz gain, Ugarteko delakoa ikertzeko ere eskatu du Goirizelaiak. Aurrez ere hala eskatu zuen, baina lekuko gisa joan zen deklaratzera aurreko epaiketan. Aldekoak ere hala egin zuen, baina orain hiru aste dimisioa eskatu zuen, epaiak «argi» adierazten zuelako Ertzaintzak ez zuela «zuzen» jokatu Cabacas hil zuten egunean.
LAGUN AGURGARRIA:
Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide