EH Bilduk dio Madrilek ÂŤbertigoaÂť duela ÂŤsakabanaketaÂť amaitzeko

Fernando Grande-Marlaska Espainiako Barne ministroak berriro esan du ETArik gabeko aldi honetan ez duela zentzurik ÂŤsakabanaketaÂť politikari eusteak, baina EH Bilduk uste du PSOEren gobernuak ÂŤbertigo handiaÂť duela hura amaitzeko. ÂŤPreso bat 700 kilometrora dagoen kartzela batetik 400era dagoen beste batera aldatzea ona da, baina hori ez da sakabanaketa amaitzea: gerturatzea da horiÂť, esan du Pello Urizar EH Bilduko legebiltzarkideak Onda Vascan, eta erantsi ÂŤsentsazioaÂť dutela ÂŤSanchezen gobernuan bertigo handiaÂť dagoela aldaketarako pausoa emateko.

Herenegun egin zituen sakabanaketa politikari buruzko adierazpenak Grande-Marlaskak, Donostian, PSE-EEren ekitaldi batean. ÂŤSakabanaketak izan zuen bere emaitzaÂť, esan zuen. Gehitu zuen oraingoa ÂŤgarai desberdinaÂť dela, ÂŤETA garaitua izan baitaÂť, eta, beraz, ÂŤpolitikaÂť berria behar dela espetxe arloan. Kartzeletako tratamendu batzordeen esku laga ditu euskal presoen gradu progresioak eta gerturatzeak, ÂŤbetiere [ETAren] terrorismoaren biktimak informatuz eta haiekiko gardentasuna izanikÂť.

Urizarrek aitortu du ÂŤirmoakÂť direla ministroaren adierazpenak, baina eskatu du ekintzak ere gisa berekoak izateko. ÂŤSanchezen gobernua jarri zenean, esaten zen iraganekoa zela sakabanaketa eta bukatu egin behar zela, baina gero ez da halakorik gertatuÂť. Presoak Euskal Herriratzea galdegin du EH Bilduko kideak.

Beste errepide istripu bat

Jesus Mari Etxeberria Garaikoetxea (Errenteria, Gipuzkoa) euskal presoaren anaia eta lagun batek errepide ezbehar bat izan zuten joan den ostiralean, Puerto III espetxera (Andaluzia, Espainia) bisitara zihoazela, Etxerat elkarteak jakinarazi duenez. Urte honetako bigarren istripua izan da. Aurrekoa, Garikoitz Aspiazuren bikotekideak eta haur txikiak izan zuten, Arlesen (Okzitania).

Andaluzian izan dute ezbeharra Etxeberriaren anaiak eta lagunak, Sevillara iristeko 50 kilometro falta zitzaizkiela, A66 autobidean, arratseko zortziak aldera. Aurretik istripu baten eraginez errepidean geldirik ziren bi auto topatu zituzten aurrez aurre, bihurgune bat igaro ondoren. Onik atera ziren biak, Etxerat-ek dioenez, ÂŤbaina une arriskutsua bizi izan zuten ondoren, autoa errepide erditik bultzaka atera behar izan zutelako, autobidean zegoen trafiko handiari aurre eginezÂť. Larunbatean egin zioten bisita Etxeberria presoari.

Etxerat-ek urruntzea deitoratu du berriz, presoak bisitatzera doazenen ÂŤbizia arriskuanÂť izaten delako. Azken ezbeharra salatzeko elkarretaratzera deitu ditu: atzo IruĂąean izan zen; gaur Bilbon izango da, 19:30ean, Arriaga plazan; eta bihar, Gasteizko Andre Maria Zuriaren plazan eta Donostiako Bulebarrean, 19:00etan.