Aurtengo Aberri Egunak bat egin du bete-betean Espainiako Gorteetarako hauteskunde kanpainarekin, eta hori nabaritu da alderdiek egindako deialdi eta mezuetan. Ohi bezala, EAJk Bilbon egin zuen bere ekitaldi nagusia, eta, han, EBBko lehendakari Andoni Ortuzarrek ohartarazi zion PSOEri EAJk Pedro Sanchezi babesa ematekotan babes hori «loturik» egongo dela «euskal subiranotasuna errespetatzearekin». «EAJk [Espainiako] Estatuaren etorkizunean esku har dezan nahi duenak bermatu beharko du autogobernua eta horren gaurkotzea bide legezko eta demokratikoekin», esan zuen. EH Bilduk, berriz, Iruñean ospatu zuen Aberri Eguna, eta, manifestazio baten ostean, ekitaldi politikoa egin zuten. Han, EH Bilduko koordinatzaile nagusi Arnaldo Otegik esan zuen «independentistek milioi bat boto eskuratzea» ezarri dutela helburutzat «eskuinari aurre egiteko». Euskal Herria Baik manifestazioa eta ekitaldi politikoa antolatu zituen Donibane Garazin, eta Herritar Batasunak elkarretaratzea egin zuen Elgetan (Gipuzkoa).
Osorik irakurri
LAGUN AGURGARRIA:
Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide
