Azken bozetako emaitzek behartuta, eta "erantzukizuna" lehenetsita; Geroa Baiko eledun Uxue Barkosek Maria Txibite hautagaiari adierazi dio horiexek bultzatuta jardun dutela Nafarrorako gobernu berri bat lortzeko ituna negoziatzeko prozesuan. Aurreko legealdian lauko gobernuan adostasunerako bidean egindako ahalegina ere bide erakusle izan dutela nabarmendu du. "Izan ere, pluraltasuna ez da arazo. Esperientzia politikoak dio arorik emankorrenak beti izan direla ezberdinen arteko negoziazioaren ondorioa". Horrexegatik, hark eskatutako "konfiantza" emango diote Txibiteri: "Zuhurtziaz". Batera jarduteko asmoz: "Gure aldeko botoa baduzu, baina batzen gaituen hori islatuta ikusi nahi dugu".
Aurreko legealdian Nafarroan egindako aurrerapausoak kontuan hartu behar direla esan dio. Eta horietan oinarritutako "marra gorriak" ekarri dizkio gogora: pobrezia tasan, langabe kopuruan, mendekotasunerako laguntzetan eta osasun artan igaro urteotan egindako hobekuntzetan sakontzen jarraitzeko eskatu dio. Erronka berriak nondik nora zedarritu ere azaldu dio: "klima larrialdia" lehenesteko, eta aldagai ekonomikoa ere sustatzeko. Krisiak lagatako orbanak osatzen jarraitu behar dela esan dio, eta ekonomia indartsuago baten zimenduak jarri behar direla. Eta aholkua eman dio: "Ez gastatu euro bakar bat ere alferrik".
Hitz irmoak izan ditu Navarra Sumako ordezkari Javier Esparzarentzat. "Egungo Nafarroak ez du zerikusirik eskuinak hizpide dituen mantra histerikoekin". Lortu duten itunaren harira egin dituzten kritikekin Nafarroaren izena "zikintzea" leporatu dio.
LAGUN AGURGARRIA:
Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide