GASTEIZ. Iñigo Urkullu Eusko Jaurlaritzako lehendakariak atzo sinatu zuen Eusko Legebiltzarrerako apirilaren 5eko hauteskundeak indargabetzeko dekretua, eta gaur argitaratuko dute Euskal Herriko Agintaritzaren Aldizkarian. Dekretua legebiltzarreko Diputazio Iraunkorrari jakinaraziko dio, halaber. Herenegun, Lehendakaritzan egindako bilera batean, Urkulluk eta talde politikoetako ordezkariek bozak atzeratzeko erabakia hartu zuten, aho batez, koronabirusaren krisia dela-eta iritzita ez dagoela botoa emateko nahikoa bermerik osasun eta sufragiorako eskubide aldetik, eta arrazoi horietan oinarritu da lehendakaria dekretuan. Formula juridikoari buruz, dekretuak dio bozen deialdi bat utzi daitekeela indarrik gabe baldintza horiek daudenean, baina aitortu du badela lege hutsune bat.
«Osasunaren Mundu Erakundeak pandemia globalaren egoera deklaratu du, mundu osoan hedatzen ari den koronabirusa dela eta. Birusaren hedapena nazioartekotu egin da azken asteotan, eta, hedapena orokorra izatera iritsi ez bada ere, osasun-agintariek ezarritako neurriak indartu behar izan dira», dio dekretuak.
Lehendakariak dekretua sinatu aurretik, erabaki bera hartu zuen atzo EAEko Hauteskunde Batzordeak, aho batez.
LAGUN AGURGARRIA:
Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide