Aurten baino 56 milioi euro gehiago bideratuko ditu hezkuntzara Nafarroako Gobernuak. Guztira, 785,9 milioi euroko aurrekontua izango du, eta igoera %8,2koa izango da. Hazkunde horren ia erdia, 26,4 milioi euro, COVID-19ak eragindako gastuei aurre egiteko erabiliko ditu. Ikastetxeen zaharberritze obretan 24 milioi euro pasa inbertituko ditu.
Egun departamentu horretatik kanpo badago ere, NUPek 72,5 milioi euroko aurrekontua izango du, lau milioi euro handitu ostean.
Osasuna
2021ean, gobernuak aurten egin behar izan duen esfortzuari eusteko asmoa du. Aurten, COVID-19aren ondorioz, ezohiko gastuetan %8 handitu behar izan du aurrekontua, eta 96 milioi euro gehiago bideratu ditu osasun zerbitzuetara (1.259 milioi guztira); 2021ean, berriz, 1.255 milioi bideratuko ditu. Lehen arretako aurrekontua %13 handituko da, eta osasun materialen erosketa, %28. Halaber, inbertsioak %16 handituko dira, 41 milioi euroraino.
Gizarte Eskubideak
39,6 milioi euro gehiago bideratuko ditu gobernuak: guztira, 478 milioi euro. Horietatik, 111,2 milioi errenta bermatua finantzatzeko izango dira. COVID-19ak bete-betean eragin die zahar etxeei eta menpekotasunak dituztenen zentroei, eta Pertsonen Autonomiarako eta Garapenerako Agentziak 234 milioi izango ditu, aurten baino hogei milioi gehiago.
Euskara
Euskarabideak 9,2 milioi euroko aurrekontua izango du, aurten baino %9,9 gehiago. Euskararen sustapenerako hainbat laguntza deialdi jasotzen ditu: helduen alfabetatzerako 1,2 milioi eurokoa, komunikabideei 920.000 eurokoa, udalei 825.000 eurokoa, eta irabazi asmorik gabeko erakundeei 390.000 eurokoa.
Lurralde kohesioa
Udalek tokiko ogasunaren funtsetik 256 milioi euro izango dituzte gastu arruntak finantzatzeko, aurten baino hogei milioi gehiago. Udalen inbertsioetarako 20,3 milioi euro izango dira. Errepide sarearen mantentze lanetarako, berriz, 47,7 milioi euro izango dira.
LAGUN AGURGARRIA:
Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide