2018ko irailean aurkeztu zuten Konponbiderako premiazko agenda Foro Sozialak, Sarek eta Etxerat-ek, eta hori izan da orain arte arlo horretan izan duten bide orria. Plataformak uste du lehenengo fasean konpondu gabe zeuden hiru gaiak ixteak -urruntze politikaren eta lehen graduaren amaiera eta espetxeen transferentzia- aukera emango duela agenda horretako bost puntuen gehiengoa ixteko.
Arnaldo Otegi EH Bilduren koordinatzaile nagusiaren ustez, transferentzia horrek bide ematen du bertzelako espetxe politikak egiteko. «Urrats bat da, ez preso politikoentzako urratsa, baizik eta Euskal Herriko preso guztientzat. Orain aukera ireki zaigu erakusteko presoekin beste politika batzuk egin daitezkeela», adierazi zuen atzo, prentsa agerraldi batean.
PP+C's koalizioaren legebiltzarkide Luis Gordilloren esanetan, Jaurlaritzak eta Espainiako Gobernuak espetxeen transferentziarekin adostutakoak ezin du izan «ETAko presoentzako neurrira egindako jantzi bat». Ohar batean kritikatu zuen Eusko Legebiltzarrean ez dutela akordioaren edukiaren berri.
LAGUN AGURGARRIA:
Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide