Nigatik, zugatik, guztiongatik, emaion feminismoari!!
Indarkeria matxista emakume izate hutsagatik ematen den emakumeon kontrako indarkeria da. Sistema patriarkalaren berezko indarkeria da, gizonezkoek emakumeon gainetik gauzatzen duten dominazioaren erantzulea.
Indarkeria matxista ez da senarrak bere emaztearengan gauzatzen duen boterera soilik murrizten, sare sozialen bidez ematen den kontrolean, iragarkietan eta publizitate matxista guztian, rol sexistetan, sexu- abusuetan (ezkontza barruan edo kanpoan), laneko jazarpenean, antzutze derrigortuan, abortatzeko debekuan, bortxaketan, tratu txarretan, esklabutza sexualean, genital ebaketan, kosifikazioan, prostituzio behartuan, hitz gordin edo itsusietan, feminizidioan, sexu diskriminazioan, metroan eman daitekeen marruskadura batean, edo gustu txarreko piropo batean… horietan guztietan ere ematen da indarkeri
matxista. Indarkeria ekintza, ikus daitekeen ndarkeriatik haratago doa, baina indarkeria ekintza hauek guztiak emakumeok kontrolatuak izateko eta gure lekuan, obediente eta sumisa mantentzeko ereduak dira.
Indarkeria matxistak diskriminazio historikoan dauzka bere sustraiak eta sexu- genero sistemari eusten dio. Sistema honek gizon boteretsu eta mendeko emakumeetan zatitu nahi du gure jendartea, eta emakumeon oinarrizko eskubideak urratzen ditu.
Pertsona guztiok, emakume zein gizon, jendarte matxistaren abusuak pairatzen ditugu. Guk, emakumeok, nazkatuta eta haserre gaude, titietaraino gaude eta ez gara isilduko.
Hau da guztion borroka, emakume zein gizon, aurre egin behar dugun errealitate krudela, alde batera utzi ezin dugun erantzukizuna eta horregatik edozein diskriminazio sexista salatzeko eta sistema patriarkalaren aurpegi guztien kontra, modu indibidualean zein kolektiboan, esparru publikoan zein pribatuan agertzeko deia egiten diegu Laudioarrei.
Ez gara panpinak ezta zakilak, ez gara finak ezta marimutilak, ez dakigu zer garen… baina ez gara gorputz isilak. Emaiön feminismoari!
Laudioko Emakumeon Asanblada Feminista