IRITZIA

Zergatik eta non gertatzen dira eraso matxista gehien?

Erabiltzailearen aurpegia
Laudio Institutuan azaroaren 25ean egindako ekimena. / Aiaraldea.eus

Hezkuntza-komunitatearen paperaz hausnartu du Enartze LArrakoetxeak indarkeria matxistaren inguruko iritzi zutabean.

Hezkuntzaren esparruan kokatzen da nire lan-eremua, lehendabiziko hamabi urteetan hain zuzen ere. Adin tarte honetan ez ditugu, eskoletan bederen, eraso matxista larriak ikusten. Bai ordea, begirada finduz gero, arinagoak diren beste batzuk, eta ez horregatik garrantzi gutxiagokoak: espazioa hartzeko moduan, taldekatzeak egiterakoan, hizkeran edota zereginak banatzeko orduan, esate baterako.

Orduan, eskolako maisu-maistrak inertziaz hasten gara lanketa ezberdinak antolatzen, helburu handiak dituzten jarduera eta dinamikak proposatzen, liburu-bilduma hezkidetzaileei begira… data zehatz batzuk hurbil ditugunean batez ere. 

Uste dut hankamotz geratzen dela egiteko hau guztia eta horrela bakarrik alperrik gabiltzala. Esango nuke, gure haur eta gaztetxoen jarrera oro bezala, kutsu matxista duten jarrerak ere, jendarte zabalaren islada direla eta, ondorioz, helduok geure buruari begiratu beharko geniokeela adiago. Generoaren araberako rolen gainean jartzen ditugun espektatibei erreparatu beharko genieke, espazioen antolaketa eta diseinuari begiratu (komun mistoak jarriz edo kaleko jolasguneari genero ikuspegitik buelta bat emanez), erabiltzen dugun hizkuntza zaindu, nori zein jokaera txalotzen edo arbuiatzen diogun hausnartu e.a.

Hazkuntzan eta hezkuntzan helduok haurrekiko ditugun begirada eta jokamolde ezberdinek, eragin zuzena dute haiengan eta txikitatik barneratzen dira bat edo beste. Jar diezaiogun arreta, beraz, hezkuntza-komunitatea osatzen dugun guztiok. 

LAGUN AGURGARRIA:

Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide