Luiaondoko Batzar Administratiboak adierazi duenez, herriko txoko historikoen zergatia panel informatiboen bidez helaraziko diete bisitari zein herritarrei. Guztira, 13 lekutan kokatuko dituzte 100x80 zentimetroko neurria izango duten egurrezko taulak. Era horretan, Batzar Administratiboko Roberto Garmilla lehendakariaren esanetan, ondorengo lekuen jatorriaren berri izango dute bertaratzen diren guztiek: Malato zuhaitza, Otatzu zein Zubibarri zubiak, Zubibarriko teileria, Lekubatzeko sorginen istorioa, Padurako urre, bitxi eta zilargintza, Kintoko errota, San Lorentzo eta Santo Domingo ermitak, Pastoras baserria eta Madalenako eliza eta bolatokia. Era berean, Luiaondoren herri-egituraren zergatia azalduko dute azken panel batean. Horretarako, baina, Eusko Jaurlaritzari egindako diru eskaera ezinbestekoa dela ohartarazi dute.
Bestalde, jakinarazi dute urte amaierarako frontoiko aldagelen berriztatze lanak bukatuta egongo direla.
LAGUN AGURGARRIA:
Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide
