Abuztua festaz festa eman dute aiaraldearrek, baina oraindik ere hainbat herrik euren jaiak ospatzeke dituzte. Hori da, esaterako, Aiarako Soxo herri txikiaren kasua.
Herriko jaiak hurrengo asteburuan izango dira, ostiralean hasi eta larunbatera arte, eta aurtengo nobedadea Konkis Soxo lehiaketa izango da.
ETB2ko programa arrakastatsuan inspiratuta, konkistatzaile arima dutenei zuzendutako erronka dela esan dute antolatzaileek. Parte hartu nahi dutenek, bada, 6 laguneko taldea osatu behar dute. Hitzordua: ostiralean, abuztuak 30, 18:00etan. Hainbat proba egin beharko dituzte, taldeka, eta azkenean final indibiduala jokatuko da. Ikurrina lortzen duenak, bada, 200 euro irabaziko ditu.
Izena emateko, Soxoko txosna txikira joan behar da, ostegunean, egun osoan zehar, edo ostiralean bertan, 18:00ak arte.
Dena den, parte hartzeko gogoa baduzue eta 6 laguneko taldea osatu ez baduzue, Soxora hurbiltzeko esan digute, antolatzaileak arduratuko omen baitira taldeak osatzeaz. Bestalde, adierazi digute parte-hartzaileek 16 urte baino gehiago izan behar dituztela.
Lehiaketa horretaz gain, Soxora joaten direnak beste hamaika aukera izango dituzte jaiez gozatzeko. Hona hemen egitaraua:
Ostirala, abuztuak 30: Emeterio Deuna eta Celedonio Deuna
9:00 Kanpai-errepika eta suzirien jaurtiketa
12:00 Meza santua Emeterio Deuna eta Celedonio Deunaren ohorez.
Gaztelu puzgarria eta ohe elastikoak
13:00 Aiara Dantza Taldearen erakustaldia
18:00 Konkis Soxo: Ikurrina hartu. Sei laguneko taldea osatu eta 200 euroko saria irabazi banakako finalean
19:00 Mus txapelketa (izena ematea: 20 euro)
Sariak: 1.) 300 euro + garaikurra
2.) 150 euro + garaikurra
3.) Garaikurra
20:00 Naziorteko tortilla lehiaketa
22:30 Dantzaldia plazan
23:20 Kontzertua : Zergatik ez
00:30 Karaokea
01:30 Kontzertuaren jarraipena egunsentira arte
Larunbata, abuztuak 31, Ramon Nonato Deuna
12:30 Meza santua Ramon Nonato Deunaren ohorez.
Gaztelu puzgarria eta ohe elastikoak
13:00 Igela txapelketa
18:00 Haurrentzako jokoak
19:00 Tute txapelketa (Izena ematea: 20 euro)
Sariak: 1.) 250 euro + garaikurra
2.) 100 euro + garaikurra
3.) Garaikurra
21:00 Herri-parrillada
21:30 Soxoko argazkien ikuskizuna
22:30 Dantzaldia Atolon taldearen eskutik
00:00 Mozorroak
Bingo mundiala
Dantzaldiaren jarraipena eta herri-txokolatada goizaldean