Urtebetez lanean aritu eta gero, Jaiak Koordinakundeak prest du bihar hasiko diren Laudioko jaietarako egitaraua.
Koordinakundea herriko hogei kultur- eta jai-taldek baino gehiagok osatzen dute, eta sortu zenetik jai herrikoi eta parte-hartzaileak bultzatu ditu.
Azken urteetan egindako lanari esker, parte hartzeko bide berriak ireki dituzte, eta askotariko jendearen inplikazioa lortu dute. Haien esanetan, "aurtengo egitaraua bide horretan emandako beste aurrerapauso bat da, eta prestatu diren ekitaldi guztiek kaleko giroa eta denon parte-hartzea bultzatzea dute helburu". Horregatik animatzen gaituzte, bada, jaietan murgiltzera, kalera irtetera eta prestatu dituzten ekitaldi guztiez gozatzera.
Ohi bezala, adin eta gustu guztietarako ekintzak daude, baina nobedadeen artean, dena den, honako hauek azpimarratu dituzte: abuztuaren 17an, 17:00etan, zezen-plazan egingo den Krazy Beach Volley jaia delakoa eta egun horretan bertan, 21:00etan, Txosnagunean egingo den herri-afaria.
Hemen duzue, beraz, egitaraua osorik:
Abuztuak 15
10:00 Herri-gosaria Alberto Aceron
11:30 Kalejira Alberto Acerotik
17:00 Ski-taula Zumalakarregin
19:00 Bokatada eta jokoak Zubiaurren
Abuztuak 16
11:30 Haurrentzako Gastronomia Txapelketa Aldai plazan
18:00 Altxorraren bila parkean
20:00 Kalejira parketik
Abuztuak 17
17:00 Krazy Beach Volley jaia zezen-plazan
20:00 Poteo Joteoa Txosnagunean
21:00 Herri-afaria Txosnagunean
Abuzutak 21
11:00 Sokaren hasiera nagusien egoitzatik
13:30 Sokaren amaiera eta aurreskua Herriko Plazan
14:30 Senidetasun bazkaria parkean
17:00 Dantza plaza parkean
22:00 Pirulo Txow Herriko Plazan
Abuztuak 22
14:30 Koadrilen bazkaria institutuan
16:30 Karaokea Aldai plazan
18:00 Herri Kirol Extreme zezen-plazan
20:00 Kalejira zezen-plazatik
22:00 Zamalbikotekada Gudarien plazan
Abuztuak 23
13:00 Okela dastatzea elizaren arkupean
14:30 Herri bazkaria elizaren arkupean
16:00 Gaztetxoentzako jokoak Txosnagunean
18:00 Haurrentzako jokoak Txosnagunean
19:00 Astoaren kalejira Lamuza plazatik
Abuztuak 24
1:00 Kalejira Alberto Acerotik
2:30 Pankarta lehiaketaren sari-banaketa Herriko Plazan
3:00 Galtzontzilo eta kulero lasterketa Herriko Plazan
Abuztuak 26
23:30 Roketxuri agur esateko kalejira