Amurrion erroldatuta ez egoteagatik lehenengo deialdian izena eman ezin izan ez zuten lagunei zuzenduta dago deialdi hau. Hala bada, Laudioko eremu funtzionaleko udalerriren batean etxebizitza eskuratzeko zerrendan sartuta daudenek eman ahal izango dute izena oraingoan. Horretarako epea uztailaren 18an hasi zen, eta irailaren 2ra arte iraungo du (biak barne).
Etxebizitzak esleitzeko zozketa aurtengo azaroan egitea aurreikusita dago. Lehenengo zozketa udalerrian erroldatuta dauden eta ekainean irekitako epean izena eman zuten pertsonen artean egingo da. Jarraian, zozketan esleitu gabe geratu diren etxebizitzarik egonez gero, beste zozketa bat egingo da, eta horretan parte hartuko dute, hain zuzen, bigarren epe honetan izena eman dutenek.
Dena den, lehen deialdian bazter utzitako eskatzaileei ofizioz emango zaie izena, betiere, ezarritako baldintzak betetzen badituzte. Ildo horretan, eta esan bezala, ezinbestekoa da Laudioko eremu funtzionalean sartuta egotea.
Argibide gehiago behar izanez gero, deitu 900 840 101 telefono-zenbakira edo kontsultatu www.visesa.com.