Korina Rovero Venezuelako poeta eta musikariak errezitaldia emango du ostiralean

Erabiltzailearen aurpegia Irati Marañon Quintana 2012ko abenduaren 12a

Amurrioko literatur taldeak antolatuta, Korina Rovero venezuelarrak poesia-errezitaldia emango du ostiral honetan, abenduak 14, 19:00etan, Katekesi aretoan. Yrael y su Ensamble taldearen doinuek lagun, Venezuelako folklorea ezagutu ahal izango dugu; dohainik, gainera.

Amurrioko literatur taldeak antolatuta, Korina Rovero venezuelarrak poesia-errezitaldia emango du ostiral honetan, abenduak 14, 19:00etan, Katekesi aretoan. Yrael y su Ensamble taldearen doinuek lagun, Venezuelako folklorea ezagutu ahal izango dugu; dohainik, gainera.

Errezitaldiaren aurretik, hitzaldia emango du “La décima erótica" izenburupean. Hain zuzen, hamarreko estrofa poesia-inprobisaziorako baliabide erabiliena da Venezuelan, eta Korina Roverok hari buruzko azalpenak emango ditu. Estrofa horrek balio pedagogiko handia du, haren bidez eskolako ikasgaiak lantzen baitituzte Venezuelako neska-mutilek. Rovero Musikan doktorea da, eta haur poeten eskola bat zuzentzen du.

Iaz, Venezuelako Margarita uhartean, Emakume Poeten Klubaren Topaketa izan zen. Topaketa hartan Amurrioko poeta Inma Diezek parte hartu zuen, eta han ezagutu zuen Korina Rovero. Inma Diez Amurrioko literatur taldeko kidea da, eta haren bidez antolatu ahal izan dute errezitaldia.

Amurrio

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide