Mendiko Lagunak taldeak antolatzen duen ibilaldiaren XXVI. edizioa izango da aurtengoa. Hurrengo igandean izango da, azaroaren 4an. Oraingoan ere bi ibilaldi prestatu dituzte: bata 40 km ingurukoa, eta bestea, laburragoa, 30 kilometrokoa.
Abiapuntua, ohi bezala, herriko plaza izango da. Goizeko zazpietatik aurrera abiatu ahal izango dira mendizaleak, eta zortzietan itxiko da irteera.
Egunean bertan ezin izango da izenik eman. Hortaz, parte hartu nahi dutenek aurretik eman beharko dute izena, Mendiko Lagunak-en egoitzan (astearte eta ostegunetan 19:00etatik 21:00etara) edo Internet bidez (mendikolagunak.blogspot.com). (mendikolagunak.blogspot.com).
Parte hartzeko 4 euro ordaindu beharko dituzte federatuek eta Mendiko Lagunak-eko bazkideek eta 6 euro, berriz, federatuta ez daudenek. Honako kontu-korronte hauetakoren batean sartu beharko da dirua, eta norberaren izen-abizenak adierazi:
Kutxabank: 2097 - 0258 - 91 - 0101040789
Caja Laboral: 3035 - 0089 - 12 - 0891003159
Irteeran, beraz, ibilaldiko txartela eskuratu ahal izateko, ordainagiria eta federatu txartela erakutsi beharko dira.