Artzain Eguna igandean, irailak 23, izango da. Aurten, baina, berritasun bat sartu dute egitarauan: irteera gidatua antolatu dute Gorobel mendilerroan zehar, herritarrek ardi latxaren artzaintza estentsiboa bertatik bertara ezagut dezaten. Parte hartzaile bakoitzak 3 euro ordaindu beharko ditu.
Zehazki, hau izango da larunbateko plana:
10:00 Amurriotik Añeserantz irteera autobusez
10.30 Kobatara igo, Añesetik
12:00 Txauletara iritsi, txauletako batera bisita gidatua eta gazta eta
txakolina dastatu
13:00 Bazkaria inguruko artzainekin (nork bere jatekoa eraman behar du)
16:00 Añesera itzuli
17:30 Amurriora itzuli
Aurtengo beste berritasun bat zera izango da: larunbatean eta igandean (irailak 22 eta 23) Aiaraldeko Idiazabal gazta dastatu ahal izango dela Amurrioko tabernetan.
Igandeko egitarauari dagokionez, ohi bezala, hiru txapelketa jokatuko dira.Goizez, ardi latxen herrialde arteko XIX. txapelketa eta Idiazabal jatorri-izeneko ardi-gaztaren VI. txapelketa (Ruperto Casanueva Memoriala); eta, arratsaldez,18:00etan, artzain-txakurren txapelketaren XV. Edizioa, udal-igerilekuen aldameneko zelaian.
Bestalde, 10:00etan hasita eta 14:30era arte, hainbat produktu ikusi eta erosteko aukera izango da. Zehazki, Juan Urrutia plazan, gazta eta txakolina dastatu ahal izango dira; San Anton plazan baserriko produktuak erosi ahal izango dira, eta Guk pasealekuan argazkiak ikusi eta erakusketa etnografiko batez gozatzeko aukera izango da. Horiek guzti horiek txistularien doinuez lagunduta egongo dira.
Hona hemen egunean zehar aurrera eramango diren jardueren zerrenda:
11:30ean
Artzain omenduei harrera
Juan Urrutia plazan
12:00etatik 12:30era
Gazta egiteko prozesuaren erakustaldia
Juan Urrutia plazan
12:30etik 13:30era
Ardiei ilea mozteko bi teknikaren erakustaldia, tradiziozkoa eta
zeelandaberritarra. Larrinaga oinezkoentzako eremuan
12:30etik 13:00etara
Ardi latxatik eratorritako produktu berrien dastatzea:
Ardikia eta Gaztazaharra. Juan Urrutia plazan
Bildots-tripotxak dastatzea. Juan Urrutia plazan
13:30ean
Arabako artzainari omenaldia. Juan Urrutia plazan
13:30ean
Sari banaketa. Juan Urrutia plazan
15:00etan
Herri bazkaria San Anton plazan. Txartelak irailaren 17tik aurrera
egongo dira salgai, Amurrioko udaletxean eta turismo bulegoan (16€)
18:00etan
ARTZAIN TXAKURREN XV. TXAPELKETA
Justo Furundarena memoriala
Picaza zelaiaren parean, udal igerilekuen aldamenean
Gogoratu, bestalde, egun horretan tradiziozko euskal jantziekin atera daitezela eskatu diela Udalak herritarrei.