Iazko azaroan, ADAM proiektuaren berri eman genuen aiaraldea.com-en. Azken hilabeteetan, Meson Ayala izandakoaren lokala txukuntzen eta egokitzen egon dira Arespalditzan, eta lan horren fruituak gizarteari erakusteko unea iritsi zaie.
Xabi Puerta eta Zutoia Alarciaren gidaritzapean, hau da ADAM DRAM kulturgunearen xedea: arte eszenikoak eta ikus-entzunezkoak oinarri, eta kulturaren gainerako arloak lagun (literatura, argazkigintza, arte plastikoak...), prestakuntza-eskaintza zabaltzea hala hasiberrientzat nola aurreratuentzat.
Horren harira, bada, arte dramatikoaren gaineko ikastaroak eskainiko dituzte, eta horietan izena emateko epea zabalik dago jada. Hona hemen eskaintza osoa:
|
TALDEA |
ORDUTEGIA |
PREZIOA |
|
6 eta 9 urte |
Astelehenetik ostiralera 17:30etik 18:30era |
75 euro hilean |
|
10 eta 13 urte |
Astelehenetik ostiralera 18:30etik 19:30era |
75 euro hilean |
|
14 eta 17 urte |
Astelehenetik ostiralera 19:30etik 20:30era |
85 euro hilean |
|
Helduak |
Astelehenetik ostiralera 20:30etik 21:30era |
95 euro hilean |
Halaber, irailaren 15ean, larunbata, ate irekien jardunaldia antolatu dute, batetik, egoitza Aiaraldeko jendarteari erakusteko eta, bestetik, ikastaroen nondik norakoen berri emateko. Egun horretan bi aurkezpen-saio egingo dituzte: bata 12:30ean eta bestea 18:30ean.
Argibide gehiago nahi izanez gero, ADAM DRAMeko kideekin jarri zaitezkete harremanetan, telefono bidez (945 399 882 – 649 950 892 – 657 774 910) edo posta elektronikoa erabiliz: adamdram@hotmail.com