Larunbatean, ekainak 30, Arku Tiroko Kluben arteko Txapelketa jokatuko da, aire zabaleko modalitatean, Reforreko instalazioetan.
Amurrioko Arku Kirol Taldeak antolatu du, Amurrioko Udalaren, Arabako Foru Aldundiaren eta Arabako eta Euskadiko Arku Tiroko Federazioaren laguntzaz.
Parte-hartzaileak kimuen, haurren eta kadeteen mailakoak izango dira, eta arku konposatu, arku kurbatu eta arku tradizionala kategorietan lehiatuko dira.
Sailkatze-txanda 17:00etan hasiko da, eta taldekako txapelketa 18:30ean. Ordu erdi inguru igarota, 19ak aldera, sariak banatuko dira, eta parte-hartzaile guztiek oroigarria jasoko dute. Amaitzeko mokadutxoa emango da; barbakoa ere antolatu dute.
Gonbidatutako kluben barruan, izena ematen duen ekipo bakoitzak 15 euro ordaindu beharko ditu.
Parte hartu nahi dutenek, bada, izen-abizenak, lizentzia-zenbakia, maila eta kategoria jakinarazi behar dituzte, eta datu horiekin batera, aipatutako kuota ordaindu izanaren egiaztagiria bidali josemelejalde@terra.es helbidera. Parte-hartzaileek eurek eman dezakete izena, edo kluben bitartez bideratu.
Bestalde, barbakoaz gozatu nahi duten guztiek, bai arkulariek bai euren laguntzaileek ere, 10 euro ordaindu beharko dituzte.
Zalantzarik izanez gero, telefono honetara jotzeko esan digute: 670400398 (Josemi).