Euren kudeaketa hobetzeko EFQM eredua (European Foundation for Quality Management) erabiltzen duten erakundeen lana aitortzea da diploma horren helburua; kudeaketaren bikaintasunaren bidean egindako urratsak aitortzeko tresna da.
Ikastetxeak gure erredakziora bidalitako prentsa-oharrean adierazi du "EUSKALITeko Ebaluatzaile Klubeko kideen Kanpo Kontrastea jaso ondoren” lortu duela Virgen Niñak “Bikaintasunarekin Konpromiso Diploma”. Hain zuzen, ikastetxeak baldintza hauek bete behar izan ditu aipatutako diploma eskuratzeko:
- Erakundeak hiru autoebaluazio egin ditu gutxienez, azkena, behintzat, REDER matrizea erabiliz. Kontraste taldeak baieztatu du behar besteko dedikazioa eskainiz eta behar den zuzentasunarekin egin dela.
- Erakundeko Zuzendaritza taldeko kide bat, gutxienez, EUSKALITeko Ebaluatzaile klubeko kidea da.
- Zuzendaritza Taldeak EFQM Ereduari buruzko prestakuntza jaso du.
- Kontraste taldeak egiaztatu du erakundearen zuzendaritzak bikaintasunarekin konpromisoa duela.
Virgen Niñako ordezkariek abenduaren 21ean jaso zuten diploma, Gasteizen(Ciudad Deportiva Baskonia-BAKH-Kirol Hirian), Eusko Jaurlaritzaren Zilarrezko eta Urrezko Q Sariak banatzeko ekitaldiaren barruan. Ekitaldi horretan beste 26 erakundek ere jaso zuten "Bikaintasunaren Konpromiso Diploma”, besteak beste: IVAPek, Euskal Herriko Unibertsitateko Letren Fakultateak, Uliberri Euskaltegiak edo IBERMÁTICA - HCM & SOCIAL BUSINESS enpresak.
Ikastetxeak adierazi du une hau aprobetxatu nahi duela "Amurrio eta Aiarako jende eta erakundeei euren ahalegina eta laguntza eskertzeko”.