Bañueta udal-kiroldegiak ikastaro berriak antolatuko ditu urtarriletik aurrera. Horien artean, nobedade bat dago: neskentzako eskalada-ikastaroa. Interesa duten eskualdeko neska guztiek, bada, kiroldegiko boulderrean bildu eta elkarrekin entrenatzeko aukera izango dute. Baldintza bakarra: 14 urtetik gorakoa izatea.
Kiroldegiko bazkideek abenduaren 19a eta 21a bitartean eman ahalko dute izena urtarrileko ikastaroetako; bazkide ez direnek, berriz, abenduaren 22tik 29ra arte.
Ikastaro berri guztiak urtarrilaren 9an hasiko dira. Neskentzako eskaladaz gain, beste igeriketa-ikastaro batzuk (helduentzat, haurtxoentzat, haurrentzat eta igeriketa terapeutikoa), spinning, pilates, batuka, bizkarrerako gimnasia eta sasoian mantentzeko gimnasia taldeak ere antolatu dira.
Bestalde, gogorarazi nahi dizuegu eskualdean errugbi taldea sortu berri dela: Nerbioi Rugby Taldea. Kirol horretan jardun nahi duten neska-mutil guztiei irekita dago. Izena emateko, entrenamenduetara hurbildu daiteke, edo, bestela, telefono hauetara deitu: 655708812 (Jon) edo 609533348 (David).