Gabon-egunetako otorduak prestatzeko produktu ugari aurkitu ahalko ditugu abenduaren 23an, ostirala, Juan Urrutia plazan egingo den Gabonetako Azokan. Amurrioko Udalak antolatuta, goizeko 10etatik aurrera egongo da irekita, eta, herritarrek askotariko jakiak erosi eta dastatzeko aukera izango dute. Baserriko produktuez gain (gazta, eztia, barazkiak, ogia, euskal pastela, marmelada eta abar), beste gutizia berezixeago batzuk aurkituko ditugu, hala nola: kontserbak, bakailaoa, ahatekia eta pateak, turroiak...
Gabon-egunetako otorduak prestatzeko produktu ugari aurkitu ahalko ditugu abenduaren 23an, ostirala, Juan Urrutia plazan egingo den Gabonetako Azokan. Amurrioko Udalak antolatuta, goizeko 10etatik aurrera egongo da irekita, eta, herritarrek askotariko jakiak erosi eta dastatzeko aukera izango dute. Baserriko produktuez gain (gazta, eztia, barazkiak, ogia, euskal pastela, marmelada eta abar), beste gutizia berezixeago batzuk aurkituko ditugu, hala nola: kontserbak, bakailaoa, ahatekia eta pateak, turroiak...
Halaber, artisautzako zenbait postu egongo dira, azken orduko opariren bat erosi nahi duenarentzat: zeramika, beira, zurgintza, bitxigintza eta abar. Herriko lore-dendek ere pazko loreak jarriko dituzte salgai.
Gobernuz kanpoko erakundeek ere euren txokoa izango dute, bidezko merkataritzaren aldeko elkarteak eta Saharako Errepublika Demokratiko Arabiarraren lagunen elkarteak postu bana jarriko dute-eta.
Bestalde, urte-sasoi honetan kontsumismoak gora egiten duela jakitun, Etxaurren ikastolako gurasoen elkarteak “Gabon ekologikoak" deritzon idatzia argitaratu du bere blogean. Idatzi horretan, bada, arduraz kontsumitzeko, etxeak apaintzerako orduan irizpide ekologikoa zaintzeko eta jostailuak erostean zenbait alderdi kontuan hartzeko gogoetak bildu dituzte, egunotan denak balio ez duela lau haizetara zabaltzeko.
Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
