Herriko musulmanek otoitzerako eta bilkuretarako lokala instalatu ahalko dute Bañuetaibar kaleko 6. zenbakian dagoen lonjan, Udalak dagokion lizentzia ematea onartu du-eta.
Udalak lizentzia-akordioa jakinarazten dienetik, hilabeteko epea izango dute obrei hasiera emateko eta, ondoren, hiru hilabeteren barruan amaitu beharko dituzte lonja txukuntzeko lanak. Lokalak, gehienez, 28 lagunentzako tokia izango du.
Herriko musulmanek otoitzerako eta bilkuretarako lokala instalatu ahalko dute Bañuetaibar kaleko 6. zenbakian dagoen lonjan, Udalak dagokion lizentzia ematea onartu du-eta.
Udalak lizentzia-akordioa jakinarazten dienetik, hilabeteko epea izango dute obrei hasiera emateko eta, ondoren, hiru hilabeteren barruan amaitu beharko dituzte lonja txukuntzeko lanak. Lokalak, gehienez, 28 lagunentzako tokia izango du.
Udal-akordioan jasotakoaren arabera, instalazioa behar bezala intsonorizatu beharko da, eta legeak zarata-mailari buruz dioena bete beharko du, bizilagunei trabarik ez sortzeko. Halaber, ezingo da megafoniarik edo antzekorik erabili. Bestalde, lokalera gerturatzen direnek ezingo dute kalean ozenegi hitz egin. Ildo horretan, lokalak legezko zarata-mugak gainditzen dituela frogatzen bada, jarduera sailkatu gisa jotzeko aukera aztertu ahalko da. Jarduera sailkatuak dira, esaterako, tabernak, jatetxeak edo diskotekak, eta irekiera-lizentzia berezia eskatzen dute.
Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
