Aiarako Kuadrillak euskarazko hitzaldi-tertulia antolatu du Okondoko Señorio de Astobiza txakolindegian biharko, osteguna, 19:00etan. Athleticeko jokalari Jon Aurtenetxek eta Ander Iturraspek hartuko dute parte.
“Euskararen bidean” izenburupean Aritz Gallastegi kirol-kazetari ezagunak gidatuko duen hitzaldi-tertulian, bi gonbidatuek euskararekin duten harremanaren hainbat ikuspegiri buruz hitz egingo dute
Aiarako Kuadrillak euskarazko hitzaldi-tertulia antolatu du Okondoko Señorio de Astobiza txakolindegian biharko, osteguna, 19:00etan. Athleticeko jokalari Jon Aurtenetxek eta Ander Iturraspek hartuko dute parte.
“Euskararen bidean” izenburupean Aritz Gallastegi kirol-kazetari ezagunak gidatuko duen hitzaldi-tertulian, bi gonbidatuek euskararekin duten harremanaren hainbat ikuspegiri buruz hitz egingo dute
Okondoko tertulia Aiarako Kuadrillak euskara sustatzeko abiarazi duen ekimen zabalago baten bigarren saioa da. Lehenengo saioa, hain zuzen, Luiaondon egin zuten abenduaren 10ean, herriko Sozialean, eta Koikili Lertxundik euskararekin duen harremana azaldu, eta geure hizkuntza erabiltzearen aldeko mezua helarazi zien bertaratutako 50 bat ume eta gaztetxori.
Ekimen horren helburua da haurrak eta gazteak euskararen erabileraren gainean sentsibilizatzea. Horretarako, erakutsi nahi zaie hainbeste miresten dituzten pertsona ezagun askok normaltasun osoz erabiltzen dutela euskara eguneroko bizitzan. Halaber, saioan zehar eurekin hitz egiteko eta galderak egiteko aukera ematen zaie.
Ekimena gaztetxo eta umeei zuzenduta badago ere, interesa duen oro gonbidatzen dute hitzaldi-tertulian parte hartzera.
LAGUN AGURGARRIA:
Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide
