Arkaitz Vidal eta Vicente Contreras amurrioarrak saritu dituzte Pyrenaica aldizkariaren lehiaketan

Erabiltzailearen aurpegia Irati Marañon Quintana 2017ko otsailaren 15a

Bigarren saria irabazi du Vicente Contrerasek, besteak beste, argazki honegatik. Argazkia: Vicente Contreras

Aurten sarien XXXIV. edizioa egingo du Euskal Mendizale Federazioaren aldizkariak.

1926. urtetik Pyrenaica aldizkaria euskal mendizaleen historiaren lekuko da. Aurten aldizkariak Pyrenaica sarien XXXIV. edizioa antolatuko du Euskal Mendizaletasunaren XXI. Jaiaren barruan, eta han izango dira Arkaitz Vidal eta Vicente Contreras amurrioarrak, sari bana irabazi baitute.

Arkaitz Vidal amurrioarrak sarrera gehien dituen kolaboratzailearen saria irabazi du Pyrenaicako Blogaren I. Lehiaketan. Epaimahaiaren iritziz, Vidalek ekarpen handia egin dio blog berriari, eta  aldizkarirako erreferenzia bilakatzea lortu du.



Vicente Contrerasek, berriz,  bigarren saria irabazi du XXXIV. Mendi Argazkien Lehiaketan, Markizko (Araba) eremitorioen argazki-bildumari esker.

Sariak Orona fundazioaren egoitzan banatuko dira, Hernanin, otsailaren 17an. Club Vasco de Camping elkarteak antolatu du aurtengoan Euskal Mendizaletasunaren Festa. Ikusi egitaraua hemen.

Kultura Amurrio

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide