Gaur epaitu dituzte Landazuri etxea okupatzeagatik auziperatutako 9 gazteak. Goizeko 11:30ean zuten zita Gasteizeko epaitegian. Auziperatutako gazteei 25.000 euroko isuna jarri nahi diete herrian leku publiko eta autogestionatu bat lortzeko helburuz egindako okupazioagatik. Atzo, epaiketa salatzeko kazerolada mugikorra egin zuten.
Haatik, epaituei elkartasuna adierazteko Amurrioko epaitegiaren aurrean elkarretaratzea egin dute 70 bat gaztek. Ostean, Landazuri etxea okupatu dute sinbolikoki. Azaldu dutenez, egun osoan zehar egongo dira bertan ekintza ezberdinak egiten. Gazte Asabladak salatu duenez, 15 urte daramatza hutsik Landazuri etxeak."Argi geratzen da herrian ematen diren delitu bakarrak, gazteak kale gorrian utzi eta udaletxearen partetik etengabeko zapalketa pairatzen dugula", salatu dute.
Oharrean adierazi dutenez, Amurrioko Gazte Asanbladak sei urte daramatza gazteria eta gaztetxe baten alde borrokan. "Horren adibide argiak dira gaur epaituak izango diren gazteen Landazuriren okupazioa, Matias de Landaburu bezalako eraikin publiko eta erabilpenik gabeko eskolaren okupazioa eta herriaren alde egindako hamaika ekintza", erantsi dute irakurritako oharrean.
17:00etan Landazurin asanblada egingo dute."Herriko eta inguruetako pertsona oro gonbidatuta dago bertan parte hartzera, guztion artean lortuko dugu".
[video:http://www.youtube.com/watch?v=TlMZXcJndW8&feature=youtu.be]
LAGUN AGURGARRIA:
Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide
