aiaraldea.eus

Bigarren sailkatu da Ibone Sanchez Ondarroako triatloian

Erabiltzailearen aurpegia Izar Mendiguren Cosgaya   Kirola

Ibone Sanchez (Laudio, 1989) kirolariak bigarren postua eskuratu du Ondarroako triatloian (Bizkaia). Proba larunbatean jokatu zen. Distantzia olinpikoa zuen lehiaketak. Lehendabizi igerian 1'5 km egin behar izan zituzten, ondoren  42 km bizikletan eta azkenik 10'5 km korrika. "Baina uraren tenperatura hotzegia zenez, igeriketako sektorea laburtu zuten 750m-ra", azaldu du laudioarrak.

Ibone Sanchez (Laudio, 1989) kirolariak bigarren postua eskuratu du Ondarroako triatloian (Bizkaia). Proba larunbatean jokatu zen. Distantzia olinpikoa zuen lehiaketak. Lehendabizi igerian 1'5 km egin behar izan zituzten, ondoren  42 km bizikletan eta azkenik 10'5 km korrika. "Baina uraren tenperatura hotzegia zenez, igeriketako sektorea laburtu zuten 750m-ra", azaldu du laudioarrak.

Ibone Sanchez igerilaria izandakoa da. Horregatik, azken orduko aldaketak kaltetu zuela dio: "Igeriketa delako nire punturik fuerteenetarikoa, baina halere gogotsu irten nintzen ta uretatik beste neska batekin batera, lehenak atera ginen, bi minutuko aldea genuen besteekiko". Bizikleta hartzerakoan fuerte ekitea erabaki zuen, Lekeition gainontzeko lasterkariek harrapatuko zutela uste baizuen. "Halere, Lekeitiora iritsi, atzera begiratu, eta ez nuenez neskarik ikusi, aurrera jarraitzea erabaki nuen, sentsazio onak aprobetxatuz", erantsi du.
Sanchezen esanetan ibilbidea " nahiko gorabeheratsua" eta "gogorra" zen. Ondarroarako bidean, bi minutuko tartea atera zien. Alabaina, Ana Casaresek korrika gailenduta eta aurreneko zeharkatu zuen helmuga. "Bederatzigarren kilometroan harrapatu eta pasa ninduen, helmugan 14 segundoko aldea besterik ez zidan atera". Horrek, pena eman ziola dio, lasterketa gehiena bakarrik egin zuen-eta. Hala ere, Ondarroan bizitakoari itzela deritzo: "Jendearen animoak, giroa... esperientzia oso oso polita izan zen, asko ikasi nuen.Gainera, jasotako sarien artean, Ondarroako arrain freskoa eman zidaten, opari ezin hobea!".
Egun, Zumarraga-Urretxuko Urola triatloi klubean dabil Sanchez. Hurrengo txapelketa asteburu honetan izango du, Xixonen: "Espainiako txapelketa autonomikoa da eta Euskadiko Selekzioarekin noa beste 5 neska ta 6 mutilekin. Gogotsu goaz eta ahalik eta hoberen egiten saiatuko gara!".

Erantzunak

Erabiltzailearen aurpegia Erreharria Erantzuna | #1

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa