Kirol gutxituen astea egingo dute Orozkon asteburu honetan. Gaur hasiko da, 20:00etan Donibane Aretoan izango den solasaldiarekin. Begoñe Olabarriaren hitzetan Orozkoko kirolariek egiten duten lana ezagutaraztea da: "Herritarrek parte hartzen duten kirol gutxitu asko daude Orozkon". Zerrenda bat egin eta hiru aukeratu dituzte: mendi lasterketak, eskalada eta parapentea.
Hala, kirol hori praktikatzen duten herritarrekin hainbat astetan bildu ondoren bideo zein ekimena prestatu dute:"Egiten dutena erakutsiko dute, eta jendeak nahi duena galdetu edo esateko aukera izango du".
Hizlari guztiak orozkoarrak izango dira.Ibai Isusi eta Laurentzi Olabarriak eskaladaz hitz egingo dute: "Laurentzi ez da inoiz lehiatu, Ibai gaztea da eta zeresan asko du. Parapentean Andres Larrinaga eta Alejandro Tato egongo dira, Tato parapentean dabil, Andres ez. Mendi lasteketen arloan Jabi Olabarria eta Jesus Mari Perurena gonbidatu ditugu". Sei horiek, baina, kirol horien ordezkaritzat ditu Olabarriak: "Jende asko dago, baina dena kezin zirenez berbaldian sartu ordezkari gisa deitu ditugu. Guztiei adierazi nahi diegu esker ona".
Kirol gutxituak, praktikara
Larunbatean, aldiz, kirol horiek gertutik ezagutzeko aukera egongo da: "Kiroldegian saio praktikoak antolatu ditugu". Ekimean 11:00etatik 14:00etara izango da. Besteak beste, kirolari horiekin bulderrekin aritzeko aukera, parapentea hurbiletik ezagutzekoa egongo da. Igande goizean, ordea, eguraldiak laguntzen badu mendi martxa egingo dute Mendiolatik Atabiora, "mendi korrikalariak laguntzeko prest egongo dira".