Goizaldez egin du Arrankudiagatik Okondorako bidea 18.Korrikak. Arrankudiagan Zollotarrak izan ziren lekukoa hartu zuten aurrenak 1:43an.Arrankudiagako maldak zeharkatu ostean irrintzi, animo eta dantza artean sartu zen euskararen aldeko ekimena Arakaldora.
Atxeta eta Aretan ehun bat lagunek egin zuten martxarekin bat. Laudion, aldiz, mila lagun inguruk hartu zuten parte. Mozorroak, aldarrikapenak, irribarreak, malkoak... denetariko emozioak astindu zituen euskararen aldeko martxak.
Goizaldez egin du Arrankudiagatik Okondorako bidea 18.Korrikak. Arrankudiagan Zollotarrak izan ziren lekukoa hartu zuten aurrenak 1:43an.Arrankudiagako maldak zeharkatu ostean irrintzi, animo eta dantza artean sartu zen euskararen aldeko ekimena Arakaldora.
Atxeta eta Aretan ehun bat lagunek egin zuten martxarekin bat. Laudion, aldiz, mila lagun inguruk hartu zuten parte. Mozorroak, aldarrikapenak, irribarreak, malkoak... denetariko emozioak astindu zituen euskararen aldeko martxak.
Okondoko Garate portua igo ondoren, maldan behera bertso artean egin zuten bidea korrikalari eta txirrindulariek. Okondoarrek ere ez zuten Korrika ikusteko aukera galdu, eta lasterka zein etxeetako leihoetatik jende ugarik jarraitu zuen AEK bi urterik behin antolatzen duen egitasmoa.
03:25ean agurtu zuen Korrikak Okondon eskualdea. Martxoaren 14an atera zen Andoainetik eta igandean bukatuko da Baionan. "Eman euskara elkarri" lemapean euskara ikasleak omenduko dituzte aurtengo edizioan. Eskualdetik hainbat autobus aterako dira igandean Korrikaren amaiera festan parte hartzeko.
Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
