DONG CHUNLIAN (1969) Laudion bizi den txinatarra da. Modu antzekoan baina data ezberdinetan ospatzen du urte berri eguna.
Nola bizi duzue urte berri eguna?
Zuek bezala, berdin. Ilargiaren arabera ospatzen da txinatar kulturan urte berriaren etorrera. Aurten urtarrilaren 10ean edo 12an izango da, hamar urte daramatzadanez hemen bizitzen momentu honetan ez dakit zehatz mehatz eguna. Txina eta hemengo egutegia ez da berdina.
Zer eta nola ospatuko duzue?
Ospakizuna hemengoaren antzekoa da: familia eta lagunekin elkartzen gara afaltzeko, bazkaltzeko... Hori bai, hemen baino jostailu askoz gehiago izaten dira!
Urtea hasieratik 15 egunera, ilargi betea dagoenean, familia guztiak elkartu egiten dira berriz, bazkari eta festa egiten da.
Urte bakoitzak animali batek markatzen du, ez?
Bai, txinatar egutegiak 12 animalia ditu: zaldia, dragoia, arratoia, oilarra, tigrea, untxia... Horregatik, urtero animali baten urtea dela esaten dugu. Urtez urte txandakatu egiten dira animalia protagonistak. Aurten, sugea izango da. Guretzako esanahi berezia dute.