44 urteko pertsona bat atxilotu du Ertzaintzak Arakaldon 30 hegazti exotiko lapurtzea egotzita. Herrizaingo Sailak jakinarazi duenez elizako hainbat objetu ere eramaten saiatu da.
Ertzaintzak azaldu duenez, abenduaren hasieran Arakaldon izandako lapurreten berri jaso eta ikertzen hasi zen. Ostutako hegaztiak Arrankudiaga-Zolloko baserri bateko kortan aurkitu dituzte. Baserriko jabeak lapurretan izan duen inplikazioa aitortu du. Hegaztien balioa 2000 eurokoa da merkatuan. Miaketan, ordea, Arakaldoko elizakoak izan daitezkeen hainbat objetu atzeman dituzte.
Zehazki, lau branta, zortzi faisai, urre koloreko zortzi usapal, ahate mandarin bat, "molludo" espezieko sei usapal, Java motako hamar eta Ginea arrazako lau oilo eta lojoforo bat dira ostu dituztenak.
Dagoeneko Arakaldoko baserrira itzuli dituzte. Elizakoak diren objetuak, aldiz, zutargiak eta gurutzeak dira, besteak beste.
LAGUN AGURGARRIA:
Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide
