Santiago Abascal zuzendari duen Denaes fundazioak espainiar bandera jarri du Gorbeiako gurutzean. Webgunean azaldu dutenez, duela bi aste egin zuten ekimenak abenduaren 6an Madrilen egingo den manifestaziora jendea bideratzea du helburu. Mobilizazioa "Todos somos España" lemapean egingo da, Madrileko Kristobal Kolon plazatik abiatuta.
Santiago Abascal Laudioko PPko zinegotzi oihak eta parlamentari izandakoak Espainiar konstituzioaren egunean egingo duten manifestazioa jai giroan gauzatuko dela esan du. Gaineratu duenez, mugimendu banatzaileek sortutako tentsio eta zalantza klimarekin haustea da bilatuko dutena, espainiarren arteko elkartasuna, adostasuna eta batasuna defendatuz.
PPko zuzendaritzari kritika
Bestalde, La Gaceta egunkariari egindako adierazpenetan Euskal Herriko PPko zuzendaritzak egindako kanpaina kritikatu du. Besteak beste, krisi ekonomikoak legebiltzarreko hauteskundeetan izandako eragina ukatu du, alderdi popularrak Euskal Herrian erabilitako diskurtsoa eginez emaitzen erantzule. "Araban agintzetik laugarren indar izatera pasatu gara", dio.
PPko zuzendaritzari "kapital historikoa" porrotera bidaltzea leporatu dio, "PP pop-ak alderdiak Euskal Herrian zuen prestigioa eta Espainian zuen nortasun isladarik handiena galtzea". Yo acuso izeneko artikuluan, alderdi popularreko zuzendaritza egin du PPren erabateko porrotaren erantzule, bataila horren galerak Espainiaren amaiera ekar lezakeela ohartaraziz.