Eli Pinedo Itxakoko eskubaloilari amurrioarrak taldea utzi du

Erabiltzailearen aurpegia

Lizarrako (Nafarroa) taldearekin bigarrenez, ABF liga irabazi ondoren Eli Pinedo eskubaloilari amurrioarrak Itxako taldea utziko duela iragarri du. "Patri -ahizpa- eta ni oso pozik gaude Liga irabazteaz, denboraldi berean hiru titulu irabaztea amets bat da. Ezin da gehiago eskatu". Izan ere, ligaz gain Superkopa eta Erreginaren Kopa ere eskuratu dute aurten.  Prentsari adierazi dionez, duela hiru urte laugarren postuan hartu zuen taldea, lehenengo postuan utzita alde egingo du.

Lizarrako (Nafarroa) taldearekin bigarrenez, ABF liga irabazi ondoren Eli Pinedo eskubaloilari amurrioarrak Itxako taldea utziko duela iragarri du. "Patri -ahizpa- eta ni oso pozik gaude Liga irabazteaz, denboraldi berean hiru titulu irabaztea amets bat da. Ezin da gehiago eskatu". Izan ere, ligaz gain Superkopa eta Erreginaren Kopa ere eskuratu dute aurten.  Prentsari adierazi dionez, duela hiru urte laugarren postuan hartu zuen taldea, lehenengo postuan utzita alde egingo du. Ambros Martin entrenatzaileak jakinarazi zion datorren denboraldian ez zutela berarekin kontatzen "ez gara bateragarri. Taldean eta eskubaloian nire bilakaera ona izan dela esan zidan, profesional gisa konbentzitzen nuela, horregatik ez zuela nirekin kontatuko". Haatik, amurrioarrak gogoan du harmailan isilunea nnagusi zela ezusteko notizia ofizial egin zenean. Dena dela, Eli Pinedok dio ate handitik alde egingo duela. "Gauzak ondo egin ditudala uste dut, emaitzak ikustea besterik ez dago. Orain, aurrera begiratu behar dut". Patricia Pinedok ordea, urtebete luzatu du Itxakorekin kontratua.

Datozen egunetan, Europako txapelketako kanporaketak prestatzeko Espainiar selekzioarekin entrenatzen arituko da Eli Pinedo. Dena dela, azaldu duenez,  etorkizuna lotzeko ahaleginetan dihardu: "Bi aukera ditut eskuartean, bata Espainia edo atzerria. Datozen asteetan erabakiko dut".
Patricia Pinedok, bestalde, Itxakon jokatuko du hurrengo denboraldia. Litekeena da, beraz, bi ahizpak elkarren kontra lehiatzen ikustea. "Patri oso ozik dago Itxakorekin 'Champions'ean arituko delako, horrek animatu egiten du. Nitaz kezkatua zegoen, baina bereari ekiteko esan diot, zenbat balio duen erakutsiz".

LAGUN AGURGARRIA:

Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide